罐頭鮑魚包裝數字解碼 南非鮑澳洲鮑有何分別

講到意頭菜，食鮑魚就最合適，「包你有餘」！煮乾鮑？當然不好啦！新手未必懂得處理！加上價錢貴，還是簡簡單單選罐頭鮑過年，性價比較高。出產罐頭鮑的地方遍布全世界，墨西哥、澳洲、紐西蘭等地，當中墨西哥價錢偏高，後兩者整體鮑魚味又較淡。

▲ 不少海味店都有自家的罐頭鮑魚品牌，李熊記揀選了性價比高的南非鮑魚。頭數由2至18頭都有，$388/罐起。(曾有為攝)

如上環老字號海味李熊記的店經理邵本亮所言，食罐頭鮑的話就揀南非出產，價錢合理，整體鮑魚味又濃。食落質感不俗，大隻的可切片或切粒當小食，細隻的更可以原隻自用或請客，方便快捷，亦夠體面。所以他們自家罐頭鮑亦專揀南非鮑魚。

【延伸閱讀】迎新年揀花膠 真假花膠點樣分？

▲ 罐面上有最佳食用日期和頭數之分，一目了然。(曾有為攝)

他謂揀罐頭鮑跟乾鮑一樣，都有頭數之分；但不是以斤計算，而是一罐有多少隻來計。例如一罐一隻鮑魚的就叫一頭、一罐八隻的就叫8頭。要知頭數話咁易，看罐面或底的數字。

南非罐頭鮑會寫明數量，如4/pcs或4頭，一目了然，澳洲及紐西蘭就看「FX」一行，若 X 是「1」即一頭、「2」即二頭，如此類推，假如見到 「FF1」，即一隻半啦！

他補充一開罐已可即食，如老人家牙力稍遜，可以原罐放入水中烚約1.5小時，便會水口感軟腍些。

【其他熱話】酒店大廚炮製蘿蔔糕秘技【有片】

【其他熱話】辦年貨有學問　點分真假乾瑤柱？

【其他熱話】禿參 VS 豬婆參　辦年貨如何揀靚海參？